Defender o Mirandês e promovê-lo é um dever e um direito de todos

A Câmara Municipal de Miranda do Douro tomou conhecimento da divulgação de um estudo académico, da Universidade de Vigo, Espanha onde se conclui que o Mirandês está em vias de extinção como língua materna e que ela pode ocorrer já nos próximos 17 anos.
Perante uma conclusão tão grave e dramática, o município de Miranda do Douro não pode deixar de assumir a sua responsabilidade histórica pela situação a que chegou a Língua Mirandesa, nos termos documentados naquela investigação.
O Mirandês é o mais notável elemento de união e de coesão de todos os Mirandeses e é também a nossa principal marca identitária e distintiva. É, ao mesmo tempo, um poderoso fator de desenvolvimento económico, é a base da nossa cultura, que também nos distingue, e desempenha um papel de integração social fundamental. Não exageramos se dissermos que o Mirandês é a maior de muitas das nossas vantagens competitivas no contexto nacional, europeu e internacional.
Defender o Mirandês e promovê-lo é uma obrigação e um direito de todos, mas é uma obrigação fundamental do Estado Português, do Município e das instituições criadas para esse fim. Assumindo a sua quota de responsabilidade pela situação de perigo em que a Nossa Língua se encontra, este Município vai adotar um conjunto de iniciativas que conduzam a uma reflexão profunda acerca das causas que nos conduziram até aqui e acerca das opções que temos para, com eficácia e com valentia, defendermos e promovermos a nossa Língua.
Todos os mirandeses e todas as instituições do nosso município, sejam elas da sociedade civil ou de caráter político, económico, social ou cultural, devem envolver-se num debate alargado sobre as medidas que é necessário adotar para garantirmos que o Mirandês seja, cada vez mais, a nossa língua, da família e do trabalho, em vez de estar condenado à extinção.
As instituições locais, municipais, nacionais e europeias, mas acima de tudo o Povo da Terra de Miranda e cada um de nós, em conjunto, individualmente ou em grupo, temos o dever e o direito de nos envolvermos e todos colaborar nesta nossa missão, incluindo aqueles que não sabendo falar Mirandês reconhecem a sua importância e o seu valor. É este o melhor tributo que podemos prestar aos nossos antepassados que ao longo dos séculos souberam manter viva esta língua extraordinária e nos legaram este precioso recurso.

Defender l Mirandés i promobé-lo ye ua oubrigaçon i un dreito de todos

La Cámara Municipal de Miranda de l Douro tomou conhecimiento de la dibulgaçon d’un studo académico adonde se cunclui que l Mirandés stá an bias de zaparecer cumo lhéngua materna i qu’isso puode acuntecer yá ne ls próssimos 17 anhos.
Delantre d’ua cuncluson tan grabe i dramática, l Munecípio de Miranda de l Douro nun puode deixar d’assumir la sue respunsabelidade stórica pu la situaçon a que chegou la Lhéngua Mirandesa, ne ls termos decumentados naqueilha ambestigaçon.
L Mirandés ye l mais notable eilemiento d’ounion i de lhigaçon de todos ls Mirandeses i ye tamien la nuossa prancipal marca eidentitaira i çtintiba. Ye, al mesmo tiempo, un poderoso factor de zambulbimiento eiconómico, ye l alheçace de la nuossa cultura, que tamien mos çtingue, i zampeinha un papel d’antegraçon social fundamental. Nun diremos demasiado se dezirmos que l Mirandés ye la mais grande de muitas de las nuossas bantaiges cumpetitibas ne l cuntesto nacional, ouropeu i anternacional.
Defender l Mirandés i promobé-lo ye ua oubrigaçon i un dreito de todos nós, mas ye ua oubrigaçon fundamental de l Stado Pertués, de l Munecípio i de las anstituiçones criadas para esse fin. Assumindo la sue quota-parte de respunsabelidade pu la situaçon de peligro an que la Nuossa Lhéngua s’ancontra, este Munecípio bai adoptar ua buona manada d’eniciatibas que lhieben a ua reflexon profonda subre las causas que mos traírun até eiqui i subre las scuolhas que tenemos para, cun eificácia i cun balentie, defendermos i promobermos la nuossa Lhéngua.
Todos ls mirandeses i todas las anstituiçones de l nuosso munecípio, séian eilhas de la sociedade cebil ó de caráctel político, eiconómico, social ó cultural, dében ambolber-se nun debate alhargado subre las medidas que ye neçairo tomar para garantirmos que l Mirandés seia, cada beç mais, la nuossa lhéngua, de la família i de l trabalho, an beç de star cundenado a la muorte.
Las anstituiçones locales, municipales, nacionales i ouropeias, mas arriba de todo l Pobo de la Tierra de Miranda i cada un de nós, an ounion, andebidualmente ó an grupo, tenemos l deber i l dreito de mos ambolbermos i todos dar ua mano nesta nuossa misson, sien çquecer aqueilhes que nun sabendo falar Mirandés reconhécen la sue amportança i l sou balor. Ye este l melhor tributo que podemos prestar als nuossos antrepassados qu’al lhargo de ls seclos soubírun mantener biba esta lhéngua strourdinária i i mos deixórun este precioso recurso.