L IMI de las barraiges nun puode caer

L IMI de las barraiges nun puode caer
L Menistro de las Finanças anformou n’Assemblé de la República que l’admenistraçon tributaira bai a liquidar l IMI de las barraiges até al final de l anho, ancluindo l que respeita als derradeiros 4 anhos, dezde 2019. Esta afirmaçon poderá nun ser berdadeira. Até la fin de l anho, ye neçairo un lhargo camino admenistratibo qu’abarca la rializaçon de dues abaluaçones por cada barraige i l decurso dun conjunto de prázios qu’ampediran la lhiquidaçon de l amposto até al final de l anho. Todo esto porque l’admenistraçon tributaira nun stá a cumprir ua órden spressa, dada pul Secretairo de Stado de ls Assuntos Fiscales (SEAF), Dr. Nuno Félix, qu’ourdenou la liquidaçon de l amposto. Cinco meses apuis desse Çpacho, nada acunteciu. Este cumportamiento, ye stranho i librará la EDP, para siempre, de pagar l IMI relatibo al anho 2019 subre todas las barraiges de que ye titular. Frente a esta einaçon, las declaraçones de l Menistro nada bálen. Las declaraçones de l Menistro i l Çpacho de l SEAF cunfírman l qu’este Mobimiento siempre dixo, que la EDP deberie d’haber pago l IMI subre las barraiges dezde siempre. Por que motibo isso nun acunteciu?
Cunfírman tamien que l’admenistraçon tributaira staba duplamente binculada a eisigir l sou pagamiento, tanto pula Lei cumo por un parecer binculatibo de la ProcuradorieGiral de la República. Essa einaçon feriu grabemente, i para siempre, ls cidadanos de la Tierra de Miranda an muitas dezenas de milhones d’ouros. Ls beneficiairos desta stranha einaçon son la EDP i la Movhera, bien cumo ls titulares de l sou capital accionista.
Ls prejudicados son, mais ua beç, ls Cidadanos de la Tierra de Miranda. I ls cidadanos de todos ls munecípios adonde se sitúan las restantes barraiges, que tamien debien d’haber pago este amposto dezde la sue custruçon. Esta situaçon ye einaceitable i nun puode cuntinar, indas que repita l padron de cumportamiento de l poder político, d’eignorar la rezon i ls anteresses de ls cidadanos de la Tierra de Miranda. Esso acunteciu na benda de las barraiges i na falta d’açon na eisigéncia de l Amposto de l Selo i de l IMT debidos. I esto nun puode cuntinar. Ls órganos eileitos pul pobo oufendido de la Tierra de Miranda ténen oubrigaçon d’eisigir, ne ls tribunales, l cumprimiento de la Lei, que l’admenistraçon pública persiste an biolar. Apelamos, por esso, mais ua beç, a esses órganos qu’acíonen ls mecanismos judiciales i admenistratibos, bien cumo ls sous titulares, para que séian cundenados por essas biolaçones.
Este Mobimiento apela tamien a todos ls órganos de soberanie, de superbison i cuntrolo de la lhegalidade de l Stado, que fágan prebalecer la Lei i l Stado de Dreito.
Tierra de Miranda, 3 de júlio de 2023

O IMI das barragens não pode caducar
O Ministro das Finanças informou na Assembleia da República que a administração tributária vai liquidar o IMI das barragens até ao final do ano, incluindo o referente aos últimos 4 anos, desde 2019. Esta afirmação poderá não ser verdadeira. Até ao fim do ano, é necessário um longo percurso administrativo que inclui a realização de duas avaliações por cada barragem e o decurso de um conjunto de prazos que impedirão a liquidação do imposto até ao final do ano.
Tudo isto porque a administração tributária não está a cumprir uma ordem expressa, dada pelo Secretário de Estado dos Assuntos Fiscais (SEAF), Dr. Nuno Félix, que ordenou a liquidação do imposto. Cinco meses depois desse despacho, nada aconteceu. Este comportamento, é estranho e livrará a EDP, para sempre, de pagar o IMI relativo ao ano 2019 sobre todas as barragens de que é titular. Frente a esta inação, as declarações do Ministro nada
valem. As declarações do Ministro e o despacho do SEAF confirmam o que este Movimento sempre disse, que a EDP deveria ter pago IMI sobre as barragens desde sempre.

Por que motivo isso não aconteceu?
Confirmam também que a administração tributária estava duplamente vinculada a exigir o seu pagamento, tanto pela Lei como por um parecer vinculativo da Procuradoria-Geral da República. Essa inação lesou gravemente, e para sempre, os cidadãos da Terra de Miranda em muitas dezenas de milhões de euros. Os beneficiários desta estranha inação são a EDP e a Movhera, bem como os titulares do seu capital acionista.
Os prejudicados são, mais uma vez, os Cidadãos da Terra de Miranda. E os cidadãos de todos os municípios onde se situam as restantes barragens, que também deviam ter pago este imposto desde a sua construção. Esta situação é inaceitável e não pode continuar, embora repita o padrão de comportamento do poder político, de ignorar a razão e os interesses dos cidadãos da Terra de Miranda. Isso ocorreu na venda das barragens e na falta de ação na exigência do Imposto do Selo e do IMT devidos. E isto não pode continuar. Os órgãos eleitos pelo povo lesado da Terra de Miranda têm obrigação de exigir, nos tribunais, o cumprimento da Lei, que a administração pública persiste em violar. Apelamos, por isso, mais uma vez, a esses órgãos que acionem os mecanismos judiciais e administrativos, bem como os seus titulares, para que sejam condenados por essas violações. Este Movimento apela também a todos os órgãos de soberania, de supervisão e controlo da legalidade do Estado, que façam prevalecer a Lei e o Estado de Direito.

Terra de Miranda, 3 de julho de 2023